आन्दोलनमा बालबालिकाको प्रयोग नगर्न तथा बालबालिका र विद्यालयलाई शान्तिक्षेत्रको रुपमा कायम गर्न हार्दिक अपिल

आज काठमाडौं तथा देशका विभिन्न स्थानमा भएको जेन–जी उमेर पुस्ताको आन्दोलनमा बालबालिकाको प्रयोग र बालबालिका घाइते भएको समचारहरुप्रति बालबालिका शान्तिक्षेत्र राष्ट्रिय अभियानको गम्भीर ध्यानाकर्षण भएको छ । सरकारसँग विभिन्न माग राखेर आन्दोलनमा होमिएका जेन–जीहरुको आजको आन्दोलन शान्तिपूर्ण हुने भनिएता पनि बानेश्वरको निषेधित क्षेत्र तोडेपछि हिंसात्मक भएको र माइतीघर मण्डलाबाट शुरु भएको ¥यालीमा विद्यालयको पोशाकमा सयौँ बालबालिका सहभागी भएका समाचारहरू सञ्चारमाध्यममा प्रकाशित भएका छन्। आन्दोलनमा बालबालिकाको प्रयोग गर्नु बालअधिकारको विरुद्ध भएकोले उक्त कार्यमा बालबालिकाको प्रयोग नगर्न सिजप सबैको ध्यानाकर्षण गर्दछ ।
यस घटना पश्चात सरकारले काठमाडौं तथा देशको विभिन्न स्थानमा कफ्र्यु आदेश गरेको छ जसको कारण विद्यालयहरुमा रहेका बालबालिकालाई डर, त्रास उत्पन्न भएको छ, घर फर्कन समस्या भईरहेको छ, तसर्थ विद्यालयमा सुरक्षा र विद्यालय समय पश्चात घरसम्म पुग्न सहज वातावरण बनाउन तथा बालबालिका र विद्यालयलाई शान्तिक्षेत्रको रुपमा कायम गर्न सिजपको तर्फबाट सरकार, नेपाल प्रहरी र सम्बन्धित निकायलाई हार्दिक अनुरोध गर्दछौँ ।
आजको आन्दोलनको क्रममा ज्यान गुमाउनेहरुप्रति भावपूर्ण श्रद्धाञ्जली र घाईतेहरुको सिघ्र स्वास्थ्य लाभको कामना गदै सबै घाइतेहरुको निशुल्क उपचारको व्यवस्था मिलाउन, घटनाको छानबिन गर्न,दोषी माथी कारबाही गर्न सरकार समक्ष अनुरोध गर्दछौं । आन्दोलनकारीलाई समेत आफ्नो विषय शान्तिपूर्ण ढङ्गले राख्न, सार्वजनिक सम्पत्ति हानि तथा नोक्सानी नगर्न र सरकारलाई बल प्रयोग बाहेकको अन्य विकल्प खोज्न, आन्दोलन प्रति गम्भीर र जायज मागको सम्बोधन गर्न हार्दिक अपिल गर्दछौँ र यस आन्दोलनलाई भड्काउने,उस्काउने खालको अभिव्यक्ति नदिन समेत सबैलाई सिजप अनुरोध गर्दछ ।
यस प्रदर्शनमा मानव अधिकार र बाल अधिकार पालनाको अनुगमन गर्नका लागि राष्ट्रिय मानव अधिकार आयोगसँग सिजप अपिल गर्दछ ।

राजु घिमिरे तिलोत्तम पौडेल
महासचिव अध्यक्ष
२०८२ भाद्र २३